Menjemput Kemenangan dengan Kefitrian, Kejujuran, dan Keadilan

Karena itu, sebagai sesama pecinta Rasulullah, para Habaib dan para Waliyullah, ulun kada ampih-ampihnya membawai Paman Birin dan Haji Muhidin gasan berpolitik barasih, kada betapalan, kada besogokan, kada bedustaan, kada bededuitan. Meskipun duit Paman Birin hasil Haji Isam dan Pak Muhidin menambang batubara kada kehitungan banyaknya, ulun yakin sidin masih beisi hati, dan bisa terketuk nuraninya untuk kada behamburan duit, yang akhirnya menjadi maksiat politik, dan makin mendatangkan bala gasan Banua Kita. Walaupun, kita masih ingat Haji Muhidin dalam debat cawagub pernah menyambat sudah minta izin KPU dan KPK gasan bebagi, yang tentu saja kada diperbolehkan. Mudah-mudahan niat sidin itu kada dilaksanakan, walaupun ulun juwa mendangar sudah banyak macam-macam dibagikan di wilayah-wilayah PSU. Belum ada kata terlambat untuk betobat dan beampih, lalu bebulik kepada cara berpolitik Rasulullah dan pesan wasiat Abah Guru Sekumpul. Better late than never, lebih baik terlambat daripada tidak sama sekali. Termasuk kita mensyukuri perubahan Paman menjelang PSU yang kada lagi begarakan bejogetan dan lebih memilih betadarusan.

Dangsanak seberataan, sebagai penutup, di hari menjelang Idul Fitri, izinkan ulun berterima kasih kepada pian seberataan, yang terus semangat menjemput perubahan. Ulun kada kawa sampai titik perjuangan ini tanpa pian-pian terus juwa berpolitik kada hakun ditukari. Ayo kita semuaan, kita ubah politik duit, menjadi politik wirid, politik yang selalu ingat berpijak kepada tuntunan Allah dan Rasulullah. Meskipun, terima kasih kepada pian seberataan saja pastilah kada cukup, karena tetes peluh, tenaga, pikiran bahkan dana yang pian sumbangkan gasan perjuangan fitri kita ini kada terhitung, dan kada ternilai harganya. Inilah ikhtiar suci gasan Banua kita yang sangat layak kita perjuangkan, untuk menjemput harapan baru, jauh dari kerusakan lingkungan, jauh dari keserakahan.

Baca juga: Dahsyatnya Ledakan Petasan saat Diracik Darah Berceceran, 2 Warga Tewas 7 Menderita Luka Bakar

Menjelang Idul Fitri ini, kepada pian seberataan, wabil khusus kepada Paman Birin dan Haji Muhidin, ulun minta maaf, minta ampun, minta rela, atas segala salah dan khilaf. Pasti banyak tingkah dan tutur ulun yang dirasa kurang pas. Kawa ulun pastikan, kededa niat sedikitpun meulah pian bedua kada nyaman, niat ulun dan pasti niat kita seberataan, adalah bagaimana Banua lebih adil, lebih nyaman, lebih aman, lebih sejahtera bagi kita seberataan, bukan bagi segelintir urang nang itu-itu haja. Ulun yakin Paman setuju, karena rancak sidin nyanyikan dengan fasih, jangan sampai “Yang Kaya Makin Kaya, Yang Miskin Makin Miskin”.

Kepada seluruh kader partai pendukung, wabil khusus kepada seluruh relawan yang sangat ulun cintai dan sayangi, ulun minta maaf, minta ampun, minta rela pian seberataan. Lebaran tahun ini kemungkinan kami masih isolasi mandiri. Maafkan tangan kita kada bejapaian, tetapi insya Allah hati kita terus bersentuhan dalam kerinduan perjuangan melawan ketidakadilan. Di hari-hari akhir Ramadhan ini, ulun minta doa-doa terbaik pian, semoga kami segera sembuh, dan semoga perjuangan fitri kita gasan Banua tercinta, perjuangan menghadirkan pemilihan gubernur yang jujur dan adil, kada betapalan, kada besogokan, kada bedustaan, kada bededuitan, mendapatkan jalan yang dimudahkan dan dimenangkan oleh Allah SWT. Kita yakin Allah akan melindungi serta meridhoi ikhtiar yang suci dan dilandasi niat tulus ikhlas berlandaskan ibadah kepada Allah ta’ala.