Menjemput Kemenangan dengan Kefitrian, Kejujuran, dan Keadilan

Kepada seluruh kader partai pendukung, wabil khusus kepada seluruh relawan yang sangat ulun cintai dan sayangi, ulun minta maaf, minta ampun, minta rela pian seberataan. Lebaran tahun ini kemungkinan kami masih isolasi mandiri. Maafkan tangan kita kada bejapaian, tetapi insya Allah hati kita terus bersentuhan dalam kerinduan perjuangan melawan ketidakadilan. Di hari-hari akhir Ramadhan ini, ulun minta doa-doa terbaik pian, semoga kami segera sembuh, dan semoga perjuangan fitri kita gasan Banua tercinta, perjuangan menghadirkan pemilihan gubernur yang jujur dan adil, kada betapalan, kada besogokan, kada bedustaan, kada bededuitan, mendapatkan jalan yang dimudahkan dan dimenangkan oleh Allah SWT. Kita yakin Allah akan melindungi serta meridhoi ikhtiar yang suci dan dilandasi niat tulus ikhlas berlandaskan ibadah kepada Allah ta’ala.

Terakhir, meskipun beberapa hari ini ulun kada dihiga pian, kada shubuh keliling lawan pian, balum giat disamping pian, tetaplah rawat semangat perjuangan, jangan bekenduran, kekawanan di wilayah atau di luar PSU, perjuangan kita tinggal tersisa 29 hari lagi, ayo kita buktikan bahwa duit bukan segalanya. Bahwa kada bujur ajakan “Pilih nang beduit haja, jangan nang kada beduit”. Kita lawan kekuatan duit koalisi oligarki tambang yang koruptif, dengan niat perubahan koalisi rakyat walaupun kada bededuitan. Kita menangkan daulat rakyat (Rakyatokrasi), kita kalahkan daulat duit (Duitokrasi).

Selamat Merayakan Idul Fitri 1442 H, Selamat Menjemput Kemenangan dengan Kefitrian, Kejujuran, dan Keadilan.

Wassalamu’alaikum Warohmatullah Wabarokatuh,

Prof. H. Denny Indrayana, S.H., LL.M., PhD.